اتفاجئت على خير اللهم اجعله خير
قال ايه حيطبقوا قانون مرور جديد و كل حاجة حتعملها ممكن تتحبس بسببها و تدفع غرامات بتوصل لآلاف الجنيهات
و بفضل القانون و بقوته اللي بتطبق على ناس و ناس تاني بتعزف عليه 10 بلدي اصبح أي واحد فيكي يا مصر ممكن يكون سوابق و رد سجون لمجرد انه كان رايح شغله لا بيه و عليه و ما لبسش حزام الامان ( حقيقة علمية الحبس من شهر الى 3 شهور و غرامة من 100-300ج)
لكن كل دة يهون قصاد قنبلة الموسم و كل موسم
المفاجأة التي طال انتظارها
النجمة التي بحث عنها الجميع
.
.
.
.
.
.
قال ايه حيطبقوا قانون مرور جديد و كل حاجة حتعملها ممكن تتحبس بسببها و تدفع غرامات بتوصل لآلاف الجنيهات
و بفضل القانون و بقوته اللي بتطبق على ناس و ناس تاني بتعزف عليه 10 بلدي اصبح أي واحد فيكي يا مصر ممكن يكون سوابق و رد سجون لمجرد انه كان رايح شغله لا بيه و عليه و ما لبسش حزام الامان ( حقيقة علمية الحبس من شهر الى 3 شهور و غرامة من 100-300ج)
لكن كل دة يهون قصاد قنبلة الموسم و كل موسم
المفاجأة التي طال انتظارها
النجمة التي بحث عنها الجميع
.
.
.
.
.
.
الشــــــــــــــــ ـــــــــــــنطة
.
شنطة ايه يا بنتي
يكونش قصدك فلفل شنطة
او شنطة حمزة
لا قصدي الشطنة بتاعت الاسعافات الاولية هي و المثلث العاكس (سلام مربع للمثلث العاكس اللي كان بـ3 جنية و مش لاقي حد يبص عليه و دلوقتي بـ35 جنية )
الشنطة دي بقا لازم و حتماً حضرتك تحطها في عربيتك و يا انت يا هي في العربية و من غيرها مفيش ترخيص
ولو مش موجودة يبقى حضرتك تقعد في بيتكم احسن أو تتشعبط في أي اتوبيس
و الشنطة بقا دي نكتة اوي
على حسب اعلان وزارة الصحة مش وزارة التموين
إن الشنطة يكون فيها فيل
ايوة فيل
لازم تكون مصنوعة من مادة معدنية غير قابلة للصدأ ، يسهل حملها ، محكمة الغلق ، يمكن غسلها وتطهيرها ، وتزن من 2 إلى 5 كيلوجرام ( مبدأيا الشنطة اللي بتنزل في العربية المرسيدس بنز - بلاستيك بس واضح اننا بنفهم اكتر من الالمان أو يمكن الشحنة اللي جابها المستورد معدنية )
وتحتوي على :
اتفرج يا سلام قررررررررررررررررب قرررررررررررررب
4 أربطة شاش
4 أربطة ضاغطة
5 "باكت" شاش معقم للجروح
5 "دريسنج" معقم ( هو مش الدريسنج دة مرقة زي الصوص كدة !!!)
5 "باكت" شاش فازلين للحروق ( يا تري ايه الفرق بين الشاش المفزلن دة و الشاش المعقم للجروح )
5 شاش معقم للعين
100 جرام قطن طبي. 100جرام و اللي مش عاجبه يوزن برة
بكرتين بلاستر لاصق
مقص صغير ( و دة لوحدة مصيبة سودا لانه سلاح و أي واحد بعد لما كان بيهدد بالكوريك حيفتح شنطة الاسعافات يطلع منها المقص و يعمل وش اللي ادامه شوارع و اهي تنفع بردو و توسع علينا )
سائل مطهر بيتادين مطهر للجروح
5 أطقم قفازات طبية ( هأو )
رباطي مثلث لكسور عظمة العضد والترقوة ( يا ليله مش باينة و دة غير المثلث العاكس و اساسا ربع البشر مش عارفين ايه هو العضد و الترقوة و حيدوروا عليه في الصيدليات )
ملاية حروق
كيس ثلج ينشط بالفرك ( اهو ينفعك تحطه في العصير )
بطارية إضاءة حجم متوسط.
يا مراري الطافح دة كلة يجي 50 كيلو
ايه الكلام دة
دة انت لو دخلت مستشفى حكومي مش حتلاقي عندهم البلاوي دي كلها
بيتادين ايه و بلاستر ايه و فازلين حروق ايه و كله كوم و الملاية كوم
يقال ان ملاية الحروق دي تمنها الحقيقي 1000 جنية في حين ان وزارة الصحة بتناشد المواطنين و بتجز على سنانها انهم ما يشتروش الشنطة باكتر من 40 جنية بس
دة غير بقا الاختراع اللي اسمه كيس التلج
حاجة كدة ايشي خيال يا ناس
مادة تفركها بأيدك و تقول حابس حابس شمهورش و هووووووبا تبقى تلج
بس المصيبة مش في كدة بس
المصيبة الحقيقية في مين حيستخدم البلاوي دي و خصوصاً ان المصريين اغلبهم اخره بصلة و شوية بُن
و الا المفروض يعني كل واحد يشتري الشنطة يكون خريج كلية الطب
و بعد كدة يبقى من شروط الحصول على الرخصة ان يكون طالب الرخصة حاصل على بكالوريوس طب بتقدير عام جيد على الاقل و يفضل زمالة احدى الجامعات الاوربية
و خريجين الكليات التانية يجيبوا سواقين دكاترة و الدكاترة يسيبوا الطب و يشتغلوا سواقين
أو مثلا يشترطوا ان كل واحد يخرج من بيتهم يرمي مراته و العيال في الشارع أو يركبهم كارو و يقعد معاه في العربية دكتور في الكرسي القداماني و 2 تمرجية و ممرضة في الكنبة احتياطي
و طبعا بالتبعية يزيد الطلب على الطبيبات الفاتنات و يتجوزوا كلهم عشان العريس ما يتاخدش مخالفة
و حضرتك بقا تتحول من قائد مركبة الى قائد هوسبيتالي زي لويزا الطيبة في فيلم صلاح الدين الايوبي و اهي كلها قيادة
و تشغل في عربيتك اغنية نجم الجيل
( حبطل السواقة و اخلي الحكيم يسوق ** من اول اغسطس خلاص انا مش حسوق و ايييييييييييييييييييييييييييييييييييييييييييه )
اللي عاجبني بقا المقص و القفازات
حاسة كدة ان لو فيه لا قدر الله حادثة
و الراجل فارش الملاية ( بمعناها الحرفي مش الشعبي )
و منيم واحد و جايب المقص و لابس القفازات و ممسك واحد البطارية و قاعد يستخدم الشاش المفزلن و البلاستر و يمكن كمان بيشربوا البيتادين في بقة
و يبقى منظر عادي و طبيعي اننا نشوف عملية قلب مفتوح في الشوارع على الارصفة
بس يا ترى ظابط المرور اللي حيفتش عليك خريج كلية تمريض و الا كلية الشرطة
يا اهل الكوكب على حد علمي ابسط قواعد السلامة الطبية ان لو حد لا قدر الله عمل حادثة المفروض ان محدش يحركه اساسا
مش بقى يحطه في ملاية و يلفوا في شاش مفزلن و يعمل له جبيره و يقص زورة بمقص و هو لابس القفازات
هو اللي بيعمل حادثة بينزل يحط لنفسه مرهم و يربط لنفسه جبيرة و يعمل عملية
و في عز مصيبته لازم يكون لابس القفازات اومال يعني هو حاطط القفازات عياقة
رغم انه يمكن يكون اساسا عامل الحادثة عشان يموت و يخلص بس بردو لما يموت و هو لابس القفازات و نايم على الملاية اكيد حتفرق
و بعدين هي حادثة بالعربية محتاجة شاش و قطن و فيزلين
يكونوش حيلغوا الاسعاف
اول ما فكرت في الموضوع
قولت اكيد حد شاف موضوعي بتاع وسع الطريق اللاسعاف
و علشان يكبسني و ما يخصخصش الاسعاف و يطلع الموضوع فشنك و اني مروجة اوشعات
راح هوبة ابتكر فكرة الاسعاف المحمول
و ابقى انا السبب يا ولاد في الانون ( القانون ) دة سامحوني
بس حقيقي يا ناس الشنطة دي ناقصة كدة حاجات كتير و مهمة اوي
يعني مثلا مافيهاش انبوبة اكسجين – مشارط – اكياس دم ملوثة من بتاعت هايدلينا – حقن و سرنجات - ماسكات – مورفين و بنج
عشان تكمل الليلة ملايتك معاك و تلجك في شنطتك بأمر الحكومة و سرنجاتك عمرانه و مقصك و كشافك شغالين - و في اي ضلة ، و تحت الشجر يا وهيبة يا ما شربنا بيتادين و حلينا بالفازلين مساءك فل و سلم لي على قانون المرور
للاسف شنطة الاسعافات دي مش كاملة مش حتالعج حوادثنا و لا مطبات شوارعنا و لا حترصف طريق و لا حتبني كوبري و لا حتسرع المرور و لا حتعالج رشاوي العساكر و لا الذمم الخربة ( و خصوصا ان القانون الجديد خلى البونديرة في السما و الشلن الكبير و البريزة حتروح عليهم )
و لا حتعالج الاكمنة المرورية و لا حتعالج المزلقانات الفاشلة و لا كانت ممكن تنقذ ضحايا مطروح
فكل العائد سيذهب الى جيب شخص واحد فقط هو مستورد الشنطة
فعذراً ايها القائد الهوسبيتالي فالسيارة تتجة الى الخلف بمنتهى منتهى السرعة
حقوق النقل لسة مش محفوظة فضلاً اذكر مصدر نقلك
