كان نفسي احطولكم صورة الاشعة قبل التشريح لكن للاسف احنا لسة سنة 2008 و صورة الاشعة دي حيعملوها لحفرية في المستقبل يمكن كمان سنة او اتنين او عشرة الله اعلم
المهم التشريح دة لكائن شبة الانسان او يمكن للانسان بعد التطورات اللي بتحصله بسبب التطور الطبيعي للحاجة الساقعة
لالالالا مش الحاجة الساقعة
لالالالا مش الحاجة الساقعة
نتيجة التطور التكنولوجي و العولمة لا بردو مش دي
يمكن نتيجة تدهور اكتر منها تطور من ايه الله و اعلم
مش عايزة افتري على الحكومة الذكية الرشيدة الحميدة النظيفة الشريفة الصالحة لانها عمرها ما عملت حاجة خالص مالص
شايفة حد بيفتري عليا و يقول ازاي يعني ما عملتش حاجة لا دي عملت و سوت الهوايل ارجع و اقول له يا راجل بطل افترى عمرها ما عملت حاجة و اقرا صح و استنى للاخر بقا متودناش في داهية
نيجي بقا للمهم نبتدي من :
نيجي بقا للمهم نبتدي من :
الجمجمة
الجمجمة اكبر من الحجم اللي هي فيه دة على الاقل 3 مرات نتيجة لتكبير الدماغ
المخ :
المخ :
يوجد شئ يشبة في تكوينة المخ لكن مختلف نسبيا عامل زي السفنجة
حجم الفم صغير نتيجة قلة الاستخدام في الطعام لكن اللسان بقا مبروم
الاسنان
الاسنان
لا يوجد نظراً لعدم الحاجة
الانف طويلة جامد جدا نظراً للحاجة لحاسة الشم لانها بقت الحاسة الوحيدة اللي فاضلة مع حاسة السمع فطبعاً الودان كمان طولت الرقبة طويلة حوالي متر لان الكائن دة بيتغذى على اوراق الاشجار اللي في الشوارع فحيحتاج تبقى رقبتة طويلة
القفا + العضلة القفوية
طبيعي ما دام الرقبة طويلة يبقا القفا طويل بس بقا الرقبة بالقفا مبقوش اسطوانين في الشكل بقوا مفلطحين طول بعرض القفا يتميز بوجود بعض الحراشيف زي بتاعت التمساح
القفص الصدر
تلاشي من كتر التلوث
المعدة
ضَمرت من قلة الاستخدم و طلع مكانها قوناصة
الرجلين
طويلة بردو للحاجة الى الجري السريع و طبعا عشان يطول الشجر و يساعد الرقبة
الايدين
اطول من الرجلين لزوم الشغل العمود الفقري عليه درقة ( زي السلحفاة ) ظهرت على ظهرة نتيجة عدم وجود سكن نظرا لارتفاع اسعار الحديد المسلح و الطوب و الاسمنت و الاراضي مما ادى لانعدام البناء و من ثم تطور الكائن و اصبح يعيش في ظهرة زي السلحفاة
المرارة
لا يوجد أي اثر للمرارة
سبب الوفاه
________
انعدام الامن و الامان و انعدام كل حاجة الكائن عثر عليه في حفرة عميقة و حيتضح بعد كدة ان دي التَرب المستقلبة نتيجة ارتفاع اسعار الاسمنت و اسعار الاراضي
مش قولتلكم ان الحكومة ما عملتش حاجة خالص
No comments:
Post a Comment